I framlegget til kommunedelplan for vassforsyning og avlaup/vassmiljø 2011-2022 er det lista opp tiltak for totalt 900 millionar kroner.

Planen er no klar for endeleg godkjenning i kommunestyret 1. september, men først skal formannskapet på måndag 22.august gje innstilling i saka. I høyringsperioden i sommar kom det inn vel 20 fråsegner.

Fjæreidvatnet med inntakspumpestasjon.
Fjæreidvatnet med inntakspumpestasjon

I forslaget til handlingsprogrammet er det sett opp tiltak for 416 millionar kroner til vassforsyning og 484 millionar kroner til avlaup og vassmiljø.

Det er vidare lagt til grunn at kapasiteten på vassreinseanlegget i Bildøybakken vert utvida og at Kørelen vert teken i bruk som ny vasskjelde. I planen er det lagt inn nye avlaupsreinseanlegg på Knarrvika, Vågo og Ågotnes.

Dersom dei omfattande investeringane vert gjennomførte, vil årsgebyra for vatn og avlup aukast vesentleg. I saksutgreiinga vert det likevel understreka at gebyrauken vil skje trinnvis i takt med realiseringa av tiltaka. Rådmannen skriv i si vurdering at i forståing med kommunestyret vert det arbeidd for at dei positive effektane av utbyggingane vil overstiga dei kostnadsmessige konsekvensane som auka gebyr.

Dei andre sakene til formannskapet er omtalt på heimesida her. På heimesida kan du også lesa heile innkallinga med saksdokument.


Tekst: Vigleik Brekke