For første gong har dei fire kommunane i region vest, Askøy, Fjell, Sund og Øygarden, drøfta formalisert kultursamarbeid. Måndag 31. mai var Interkommunale kultursamarbeid (IKKUS) samla for å diskutera eit formalisert samarbeid.

Lennart FjellKultursjef Lennart Fjell opplyser at det vart drøfta samarbeid på fleire plan. 

     - Det var god og entusiastisk stemning på møtet. Det er semje om å skapa ein arena der leiarane for kultur skal møtast med jamne mellomrom. Dette vil gjera samarbeid og koordinering i dei fire kommunane enklare, seier Fjell.

Det er lagt opp til å arrangera minst eitt seminar der representantane frå kvar kommune vert invitert til å presentera si organisering av kulturfeltet. Seminaret vert truleg gjennomført i september.