I dag (18.08.) hadde Fjell kommune besøk av fylkesstyra og rådmannsutvala i KS Hedmark og KS Oppland. Delegasjonen på 16 personar ønskte særleg informasjon om omdømeprosjektet som Fjell kommune har arbeidd med sidan januar 2010.

Liv Møen orienterte om terapisenteret
Liv Møen orienterte om terapisenteret

Det var leiar av komité for finans og forvaltning, Inge Ree, som ønskte velkomen på vegner av Fjell kommune. Også rådmann Steinar Nesse gav informasjon om Fjell kommune som organisasjon.

Seniorrådgjevar Harald Rød leia informasjonen om omdømeprosjektet med vekt på samhandling. Leiar for ergo/fysioterapitenesta, Liv Møen, informerte om Straume terapisenter og korleis senteret mellom anna samhandlar sine tenester med intermediær avdeling.

Harald Rød orienterer ved Straume terapisenter
Harald Rød orienterer ved terapisenteret

Fylkesstyreleiar i KS Oppland og ordførar i Østre Toten kommune, Hans Seierstad, takka på vegner av delegasjonen.


Tekst og foto: Vigleik Brekke