Eli Årdal Berland (Høgre) vart på det konstituerande kommunestyremøtet i går kveld valt til ordførar i Fjell. KrF-representanten Odd Bjarne Skogestad vart valt til varaordførar. Det er Høgre, FrP og KrF som har inngått samarbeid i kommunestyreperioden fram til 2015.
Det var også val på formannskap. I tillegg til ordførar og varaordførar, vart følgjande medlemer valt: Marianne Sandahl Bjorøy (Ap), Joakim Snekkevik Hevrøy (Ap), Ranveig Frøiland (Ap), Jan Utkilen (Sotralista), Tore Turøy (V), Vidar Arnesen (FrP), Tom Georg Indrevik (H), Kirsten Syljeset (H) og Trude Farstad (FrP).
Varaordførar Odd Bjarne Skogestad og ordførar Eli Årdal Berland
Varaordførar Odd Bjarne Skogestad og ordførar Eli Årdal Berland
Debatterte tiltredelseserklæring
Dei tre samarbeidspartia Høgre, KrF og FrP la fram den politiske plattforma for kommunevalperioden 2011-2013. Det var ordførar Eli Årdal Berland som presenterte tiltredelseserklæringa. Etter debatten tok kommunestyret erklæringa til orientering.
Frikjøper politikarar
Kommunestyret vedtok ordning for godtgjersle og frikjøp for dei folkevalde. Fleirtalspartia sitt framlegg vart vedteke. Den vedtekne ordninga innebér at i tillegg til ordførar i 100 prosent stilling, vert varaordførar frikjøpt 50 prosent og dei tre komitéleiarane 30 prosent. Utover ordførargodtgjersla kostar denne ordninga 717 tusen kroner eksklusive sosiale kostnader. Mindretalet (Ap, Sotralista, Venstre, SV og Senterpartiet) gjekk inn for ei ordning der varaordføraren og komitéleiarane kvar fekk ei godtgjersle på om lag 83 tusen kroner i året. Årskostnaden med dette alternativet er 331 tusen kroner eksklusive arbeidsgjevaravgift.
Val av komitéleiarar
Kommunestyret har også valt tre komitéar og ein del andre utval og nemnder.
Komité for finans og forvaltning
Leiar: Tore Lønøy (FrP)
Nestleiar: Tom Georg Indrevik (H)
Komté for plan og utvikling
Leiar: Jan Arthur Nilssen (H)
Nestleiar: Daniel-Victor Sandvik (FrP)
Komité for drift
Leiar: Vidar Arnesen (FrP)
Nestleiar: Johnn Hardang (KrF)
Kontrollutval
Leiar: Jan Bratland (Ap)
Nestleiar: Helena Morland Hansen (H)
Valstyre (som formannskapet)
Leiar: Eli Årdal Berland (H)
Nestleiar: Odd Bjarne Skogestad (KrF)
Valnemnd (gruppeleiarane)
Leiar: Tom Georg Indrevik (H)
Nestleiar: Marianne Sandahl Bjorøy (Ap)
Representantar til KS fylkesmøte
Eli Årdal Berland (H)
Terje Fjellhaug (FrP)
Ranveig Frøiland (Ap)
Val av klagenemnd vart utsett.
Det vart elles orientert om opplegget for opplæring av folkevalde. I haust er det sett av to torsdagar til dette. I første omgang vert det gjeve innføring i IKT-løysingar for dei folkevalde, møteorden, lovverk og innføring i budsjett. Resten av opplæringa vert gjennomført første kvartal 2012.
Tekst og foto: Vigleik Brekke
