Rundt 35 personar hadde funne vegen til kultursalen i rådhuset torsdag kveld på folkemøtet om kommunedelplan for idrett og fysisk aktivitet.
Aleksander Røed og André Hellemann ville gjerne ha skaterampe. Til venstre: Gunnar Angeltveit, representant for kommunalt råd for menneske med nedsatt funksjonsevne. Til høgre: Anita Heggholmen
Aleksander Røed og André Hellemann ville gjerne skaterampe. Til venstre: Gunnar Angletveit, representant for kommunalt råd for menneske med nedsatt funksjonsevne. Til høgre: Anita Heggholmen.
- Eg hadde gjerne sett at fleire tok vegen til rådhuset, men det var ei engasjert forsamling som møtte opp. Opplegget med «mingling» fungerte slik vi håpte, seier samfunnsplanleggjar Hanna Gjesdal. Saman med ei breitt samansett arbeidsgruppe er ho midt inne i skrivearbeidet med sjølve planen.
Etter presentasjonen av arbeidet med planen og dei ulike temaa i planen, var det ein lengre pause med enkel bevertning og «mingling» der dei frammøtte kunne snakka med representantar frå arbeidsgruppa og medarbeidarar i Samfunnsplan hjå Plan- og utbyggingssjefen. Tanken bak denne måten å organisera møtet på, var å redusera terskelen for å koma med innspel. Folk kunne sjølv eller med hjelp fylla ut eit skjema med forslag og kommentarar til dei ulike satsingsområda i planen.
Rundt 35 personar møtte opp på folkemøtet
Rundt 35 personar møtte opp på folkemøtet
Brei presentasjon av tema i planen
Dei temaa som vart presentert på folkemøte var folkehelse og universell utforming, regionalt perspektiv, roller og ansvar, idretts- og nærmiljøanlegg og friluftsliv. Det var leiar av komité for drift, Vidar Arnesen, som ønskte forsamlinga velkomen. Planarbeidet og dei ulike temaa vart presentert av Hanna Gjesdal, barna sin representant Margun Landro og kultursjef Lennart Fjell.
Det er lagt opp til at planen vert lagt fram i mai/juni med sikte på politisk vedtak om å leggja han ut til offentleg høyring i 12 veker fram til slutten av september. Planen vil venteleg verta vedteken av det nye kommunestyret i løpet av hausten.
Tekst: Vigleik Brekke
Foto: Kjell Andersland
