Ungdommens kommunestyre (UKS) skal på møtet tysdag 23. august drøfta om det skal leggjast opp til felles regional opplæringsdag for ungdommens kommunestyre i Fjell og Askøy og ungdomsråda i Sund og Øygarden. Tidlegare har Fjell og Sund hatt felles opplæring. Det ligg føre forslag om å gjennomføra ein kursdag i slutten av november i kultursalen i Fjell rådhus.



UKS er elles invitert til å skriva under eit opprop om stortingsmelding nr. 22 "Motivasjon - Mestring - Muligheter". I denne meldinga er det forslag om å innføra valfag, men dette skjer på kostnad av faget "elevrådsarbeid". UKS i Bergen og Trondheim har teke initiativ til oppropet "JA TIL VALGFAG! NEI TIL FJERNING AV FAGET ELEVRÅDSARBEID". Dersom UKS i Fjell er samd med oppropet, kan utvalet slutta seg til det.

UKS skal elles ta stilling til om det skal gjevast uttale til kommunedelplan for idrett og fysisk aktivitet 2011-2018 og arbeida vidare med tiltaksplan for UKS.