Kultursjef Lennart Fjell og rådgjevar Gerd O. Lie inviterer alle frivillige lag og organisasjonar i Fjell til nye moglegheiter gjennom medlemskap i Tilskuddsportalen.no.

Informasjonsmøtet vert halde i Liaskjærshallen 4. januar klokka 18.00 - 21.00.

Kultursjef Lennart Fjell
Kultursjef Lennart Fjell

- Fjell kommune følgjer kulturlova så langt det lar seg gjera. Ifølgje §5 skal staten, fylkeskommunen og kommunen skal syta for at personar, organisasjonar og institusjonar har tilgang til informasjon om ordningar med økonomisk støtte og om andre verkemiddel og tiltak. Dette tek Fjell kommune no konsekvensen av og tilbyr dei frivillige laga og organisasjonane gratis tilgang til Tilskuddsportalen.no, seier kultursjef Lennart Fjell.

Inne i portalen kan ein:

• få fullstendig nasjonal oversikt over tilskotsordningar etter tema
• foreta fritekstsøk etter tilskotsordningar
• lesa nyheiter om tilskot
• følgja med på komande søknadsfristar i kalenderen

Det vert gjeve kurs i bruk av Tilskuddsportalen og strategiar knytt til søknadsskriving. Dei som møter opp har høve til å bli medlemer i portalen og få tilgang gjennom passord.

Det er ikkje påmelding til møtet.