Kommunestyret godkjente tre reguleringsplanar på møtet torsdag kveld. Planen for kollektivfelt mellom Straume og Knarrvika vart utsett. Dei planane som vart samrøystes vedtekne var plan for Coast Center Base, Tona (Valen) og Hesthagen (Brattholmen). Kommunestyret gjennomførte også val av fleire styre og utval og tok økonomirapport for 2. tertial til etterretning.

Plan for Coast Center Base, Ågotnes

Dette er ein plan som omfattar nærare 890 dekar for nærings- og industriareal og hamneområde på land og i sjø. Innkomne merknader gjeld mellom anna utfylling i Kvernavatnet. Det vart vedteke eit tillegg om at ved utfylling i Kvernavatnet skal det kun nyttast reine massar. Vasskvaliteten skal ikkje forringast som følgje av planen.

Plan for Tona Sør, Valen

Planen legg til rette for 28 husvære med fellesareal og leikeplassar. Etter motsegn frå Fylkesmannen er planen endra på vesentlege punkt. Det reviderte framlegget har lege ute til nytt offentleg ettersyn.

Plan for Hesthagen, Brattholmen

Det vert i dette planframlegget lagt til rette for oppføring av sju bustader i felt som konsentrert/spreidd småhusbusetnad. Etter motsegn frå Fylkesmannen, er planen endra på vesentlege punkt og har lege ute til nytt offentleg ettersyn. Det er gjort nokre mindre endringar i føresegnene.

Planområde for Hesthagen, Brattholmen
Planområde for Hesthagen, Brattholmen

Økonomirapport 2. tertial

Kommunestyet tok økonomirapporten for 2. tertial til etterretning. Budsjettert underskot vart redusert frå 14,2 millionar kroner til 10,4 millionar kroner etter 1. kvartal. Seinare er det avklart at ekstraordinært utbyte frå BKK skal førast i investeringsrekneskapen, og dermed får driftsrekneskapen auka underskotet tilsvarande. Ein auke i dei frie inntektene på rundt fire millionar kroner, dekkjer inn noko av bortfallet av utbytet frå BKK. Netto driftsresultat vert endra frå 10,4 millionar kroner til 15,3 millionar kroner. Differansen vert dekt av disposisjonsfondet.

Salsløyve for alkohol

Bunnpris Ågotnes AS får innvilga salsløyve for alkohol i dei tidlegare lokala til Spar Ågotnes.

Val av styre og utval

Kommunestyret gjennomførte val av fleire styre, utval, revisor, representantar til styre og utsendingar.

Resultatet av vala vart slik

Styre for FjellVar (to år)
Asbjørn Algrøy, leiar, vara: Henning Lundekvam (H)
Marianne S. Bjorøy (Ap) nestleiar, vara: Odd Ivar Ølnes (V)
Torill S. Nyborg (KrF), vara: Bjarte Haugstvedt (KrF)
Gunnar Buvik (H), Tor Fredrik Friss (H)
Vidar Arnesen (FrP), Georg Indrevik (FrP)
Elna Nybakk (Sotralista), Johannes Kobbeltvedt (Sp)

Vararepresentant til representantskapet for Sotra Brannvern IKS
Odd Bjarne Skogestad, varaordførar (KrF)

Tilråding til val av medlemer til styret for Sotra Brannvern IKS
Svein Bergh (Sotralista), vara: Jan Arne Karlsen (Ap)
Bjørn Rathem (H), vara: Benjamin Nyborg (FrP)
Jan Kåre Mathiassen (upolitisk medlem med fagleg bakgrunn)

Styre for Fjell kommunale pensjonskasse
Kirsten Syljeset (H), vara: Cecilie Rathem (H)
Odd Bjarne Skogestad (KrF), vara: Johnn Hardang (KrF)
Anita Garlid Johannessen (FrP) ekstern, vara: Terje Fjellhaug (FrP)
Jan Utkilen (Sotralista), vara: Sveinung Vethe (Ap)
Tore Turøy (V), vara: Eva Vik (Ap)

Representantar til styret i Straume Idrettspark
John Brekke (FrP), vara: Eivind Solsvik (FrP)
Tone Boska (SV), vara: Tove Iren Vindenes (Sotralista)

Styremedlemer i stiftinga Fjell festning
Jan Rasmussen (H)
John Kjell Fjeld (Sotralista)
Vara: Benjamin Nyborg (FrP)

Representantar til Stiftinga Roald Tellnes kunsamling Galleri Haganes
Benjamin Nyborg (FrP), vara: Anders Fjell (KrF
Tord Eirik Strømme Myrvang (Sotralista), vara: Marianne Rosenvold (SV)

Representant til Stiftinga Langøy
John Sørli (FrP)
Vara: Jarle Syltøy (Sotralista)

Kandidat til styret i Helse Vest
Ranveig Frøiland (Ap)

Kandidat til styret i Apotek Vest
Eli Årdal Berland (H)

Politisk utval for helse og sosialsaker
Oppgåvene vert lagt til kommunal klagenemnd

Medlem til representantskapet i Stiftinga Kystsogevekene
Odd Bjarne Skogestad (KrF)
Vara: Tore Turøy (V)

Medlem til kemnerutvalet
Birger Møvik (H)
Vara: Bjarne Torleif Ekren (V)

Interkommunal klagenemnd (for kemnerutvalet)
Ann-May Aase (FrP)
Vara: Tonje Tangen Alvsvåg (Ap)

Barna og unge sin representant i kommunal plan- og utbygging
Barnehagesjef Margun Landro, vara: sosialsjef Tove Helleland

Utsendingar til årsmøte i Bergen og omland friluftsråd
Ole Konrad Ekerhovd (H), vara: Bjarte Haugstvedt (KrF)
Einvid Solsvik (FrP), vara: Margunn Straume (KrF)
Johannes Kobbeltvedt (Sp), vara: Trond Espen T. Bjoland (Ap)

Val av styre i Fjell bustadstifting vart utsett.


Tekst: Vigleik Brekke