Det vert lagt ut kondolanseprotokoll i servicetorget på rådhuset i Fjell i dag der alle er velkomne til å skriva ei helsing.  Fungerande rådmann Lillian Torsvik opplyser at protokollen vert lagt ut klokka 11.30.

Også i dag vert det ved fleire kommunale bygg flagga på halv stang. Klokka 12.00 i dag vert tragedien på Utøya og i Oslo markert med nasjonal ro i eitt minutt.

Vi minner elles om at folk kan ta kontakt med Sotra legevakt på tlf. 56 33 26 10 der pårørande og andre kan ta kontakt for å få nokon å snakka med.  

Nyttig informasjon om kriser og traumatiske opplevingar

Det er tilgjengeleg informasjon på ulike nettsider som omhandlar tema om vald, ekstreme påkjenningar og kva reaksjonar som gjer seg gjeldande i slike situasjonar.

Både Nasjonalt kunnskapssenter for vold og traumatisk stress (NKVTS) og Senter for krisepsykologi har lagt ut aktuelle artiklar i samband med tragedien.

 Tekst: Vigleik Brekke