Denne helga er det offisiell opning av Kystsogevekene. Den offisielle opninga vert i Os laurdag 13. august då Oselvarfestivalen går av stabelen. I perioden fram til 18. september vert det gjennomført 190 ulike arrangement i Kystsogevekene.

Kystsogevekene plakat

Kystsogevekene er sett saman av dagar der folk møtes og deler gode opplevingar, båtturar, aktivitetar, konsertar, føredrag, kulturvandringar og marknader.

Vestlandsforteljingar

Også i år er det Vestlandsforteljingari Fjell, Sund og Øygarden. I Øygarden kan du oppleva kystkulturhistorie med framføring av "Ovågen - tett på vågen". Det er oppmøte på Kystmuseet tysdagar klokka 11.00. I Fjell handlar det om "Russarfangane - krigsfangar til festningsarbeid" på sundagar klokka 14.00 med oppmøte på Gjerdet kulturminnegard. I Sund kan du på måndagar få med deg "Selstøbuene - frå notbu til hytteparadis". Her det oppmøte på Nordsjøfartsmuseet klokka 13.00.

I Fjell er følgjande program lagt inn som ein del av Kystsogevekene:

- Havfestivalen, Syltøyna, laurdag 13. august
- Open kafé på Langøy kystkultursenter sundag 14. august og 21.
  august
- Kystsogeseilas med Loyal
- Langøymarknaden 27. og 28. august
- Nordsjøløypedagen Kårtveitpollen 4. september

Fem veker, 20 kommunar, nær 190 ulike arrangement!

Stiftinga Kystsogevekene organiserer Kystsogevekene. Stiftinga er ei ikkje næringsdrivande stifting, med føremål å stimulere og virke som pådrivar og fagleg instans for utvikling av kystkulturtilbod og koordinering av årlege kystsogeveker i Hordaland og Gulen. Kystsogevekene finn stad i august og september kvart år.


Tekst: Vigleik Brekke