På onsdag denne veka kunne ordførar Eli Årdal Berland overlevera Miljøfyrtårn-diplom til 10 verksemder på Sartor Storsenter. Dermed er dei 10 verksemdene og senteret samla Miljøfyrtårn-sertifisert.
Fagleiar for miljø og landbruk i Fjell kommune, Espen Elstad, er sertifisør og er dermed den som har gjeve det endelege stemplet på diplomane til dei 10 bedriftene.
Frå venstre: Gjertrud Aalmo frå Coop OBS Hypermarked, Øystein Bredholt og Britta Hope Myhra frå Sparebanken Vest, Hans Petter Henriksen frå Sartor Senterforvatning, Lillian Kronstad frå Ark Bokhandel, Anja Haga Johnstad frå Kappahl, Lasse Bolstad frå Intersport, Gitte Pedersen frå Vita, Kjersti Milde Gundersen frå Mekk, Eirik Njøs Strovik frå Vinmonopolet, Julia Tornøe frå Mani Sko og Siw Solberg frå Kid Interiør.
Frå venstre: Gjertrud Aalmo frå Coop OBS Hypermarked, Øystein Bredholt og Britta Hope Myhra frå Sparebanken Vest, Hans Petter Henriksen frå Sartor Senterforvatning, Lillian Kronstad frå Ark Bokhandel, Anja Haga Johnstad frå Kappahl, Lasse Bolstad frå Intersport, Gitte Pedersen frå Vita, Kjersti Milde Gundersen frå Mekk, Eirik Njøs Strovik frå Vinmonopolet, Julia Tornøe frå Mani Sko og Siw Solberg frå Kid Interiør.
Frå venstre: Gjertrud Aalmo frå Coop OBS Hypermarked, Øystein Bredholt og Britta Hope Myhra frå Sparebanken Vest, Hans Petter Henriksen frå Sartor Senterforvatning, Lillian Kronstad frå Ark Bokhandel, Anja Haga Johnstad frå Kappahl, Lasse Bolstad frå Intersport, Gitte Pedersen frå Vita, Kjersti Milde Gundersen frå Mekk, Eirik Njøs Strovik frå Vinmonopolet, Julia Tornøe frå Mani Sko og Siw Solberg frå Kid Interiør.
- Dette er ei frivillig ordning for private og offentlege bedrifter. Målet er å finna konkrete, gode og lønsame miljøtiltak. Døme på dette er avfallshandtering, innkjøp og tiltak for å redusera energibruk. Det har verksemdene og senteret klart, og dermed er det all grunn til å gratulera dei med dette flotte resultatet, seier Espen Elstad.
Omfattande arbeid
Miljøfyrtårn (lenkje) er ei sertifiseringsordning der i prinsippet heile verksemda skal sertifiserast. Bransjekrava er først og fremst utvikla for små og mellomstore verksemder, men kan også nyttast til bruk i større bedrifter. Det skal utarbeidast ein miljøanalyse basert på generelle krav som gjeld alle og særskilde bransjekrav til den einskilde verksemda. Alle krav må vera oppfylte før bedrifta får status som Miljøfyrtårn.
Kjersti Milde Gundersen får diplom frå ordførar Eli Årdal Berland
Kjersti Milde Gundersen får diplom frå ordførar Eli Årdal Berland
- For to år sidan tok Sartor Senterforvaltning AS initiativ til å få kjøpesenteret sertifisert. Dei har mellom anna laga til eit HMT (Helse, miljø og tryggleik)- og internkontrollsystem som kunne tilpassast dei ulike verksemdene i senteret. Fjell kommune har brukt mykje tid på arbeidet med å få desse 10 bedriftene godkjent som Miljøfyrtårn, seier Elstad. Han ser gjerne at det kjem til nye forretningar og verksemder med slike sertifikat på senteret i åra framover også.
Tekst: Vigleik Brekke, foto: Hans Jarle Einarsen
