Fjell kommune får seks stjerner av seks moglege og har ifølgje Difi (Direktoratet for forvaltning og IKT) si kvalitetsvurdering den tredje beste kommunale heimesida i Hordaland i 2011. 1. desember kåra Difi dei offentlege nettstadene for dette året. Etne og Stord toppar lista, medan Fjell og Øygarden kjem på delt tredjeplass i fylket. Fjell kjem på 27. plass blant alle kommunane i landet

 Seks sterner til Fjell for heimesida
Seks stjerner til Fjell for heimesida

- Eg må vedgå at eg var svært spent på korleis Fjell kom ut på kåringa i år. I fjor hadde Fjell fem stjerner og 76 prosent av 100 prosent oppnåelege. I år aukar vi kvaliteten på heimesida til 82 prosent og får seks stjerner, seier teknisk web-redaktør Fredrik von der Ohe.

Best i fylket på brukartilpassing

Fjell kommune tronar aller øvst på kommunelista i Hordaland når det gjeld brukartilpassing med 93 prosent. Både når det gjeld tilgjengelegheit, brukartilpassing og nytting innhald, ligg Fjell godt over landsgjennomsnittet.

- Dette gjev inspirasjon til å arbeida vidare med utvikling av heimesida. Målet neste år er å styrka "seksaren", seier von der Ohe.

Her er kommuneoversynet for Hordaland.


Tekst: Vigleik Brekke