Komité for finans og forvaltning skal på møtet tysdag 7. februar fordela investeringsmidlar til rehabilitering av bygg og kommunale vegar og infrastruktur. For 2012 er det sett av ni millionar kroner til bygg og to millionar kroner til vegar.
Den nye fleirbruksmaskinen
Den nye fleirbruksmaskinen er føreslått restfinansiert med delar av investeringsmidlane
Det er registrert 92 behov for utbetringar for bygga i kommunen grovt kalkulert til 20 millionar kroner. Rådmannen føreslår å prioritera 16 tiltak til prosjekt som har ein kostnad over 100 tusen kroner. I tillegg er det over driftsbudsjettet prioritert 17 tiltak med kostnad under 100 tusen kroner.
Til vegar i infrastruktur er det lista opp sju tiltak med dette året. Det er på investeringsbudsjettet sett av to millionar kroner kvart år i perioden 2013-2015 til slike prosjekt. Eitt av tiltaka, Gamle Straumsundet bru, har behov for utbetring, og rådmannen går inn for å nytta delar av ei løying på fem millionar kroner avsett til infrastruktur til utbetring av brua.
Dei konkrete prosjekta til veg og infrastruktur er:
- Ny fleirbruksmaskin (restfinansiering)
- Gamle Straumsundet bru (nye bruelement m.m.)
- Idrettsvegen (reasfaltering)
- Smålonane (reasfaltering)
- Vassvikvegen (reasfaltering)
- Naustvikvegen (reasfaltering)
- Fjell ungdomsskule (parkering)
Andre saker i komité for finans og forvaltning 7. februar
- Vurdering og justering av delegasjonsreglementet
- Sjukefråværet for 4. kvartal og året 2011 (8,9 prosent i 2011)
- Budsjettprosess og økonomiske handlingsreglar
- Sal av kommunale eigedomar
- Alkoholpolitiske retningslinjer
- Reglementet for godtgjersle til folkevalde
- Sals- og skjenkekontrollar 2011
- Drøftingssak om nøkkeltal som politisk styringsinformasjon
- Ny skulestruktur i Fjell, oppretting av arbeidsgruppe
Tekst: Vigleik Brekke
Foto: Eigedomssjefen
