Formannskapet skal måndag 11. juni gje innstilling til framlegget til reguleringsplan for S-c-II Grønamyrsvegen "Solsiden" i Straume sentrum. Planen gjev rom for 150 bustadeiningar og 491 parkeringsplassar i anlegg under terreng.


Konstruert oversiktsbilete med Solsiden og Panorama bygt ut

Planframlegget viser eitt næringsbygg med eí bustadhøgd og tre bustadblokker med næringsareal mot gateplan. Det er lagt opp til fem etasjar mot Grønatunet, og mot Grønamyrsvegen varierer byggjehøgdene frå sju etasjar i sør til åtte etasjar i nord. Bustadeiningane har eit areal på 55 til 95 kvadratmeter, knapt 12 tusen kvadratmeter næringsareal og parkeringsplassar.

Det er kome inn merknader frå Fylkesmannen, Hordaland fylkeskommune, Statens vegvesen og FjellVAR.

Rådmannen går inn for å godkjenna planen slik han ligg føre. Etter at formannskapet har gjeve si innstilling, går saka til endeleg avgjerd i kommunestyret.

Andre saker i formannskapet 11. juni

• Årsmelding og rekneskap for 2011
• Drøftingssak; Sotrasambandet, diskusjon om konsept- og traséval

Orienteringar

• Status for arbeid med avlaup/avlaupsreinseanlegg v/ dagleg leiar i FjellVAR, Bjarne Ulvestad
• Kommunedelplan for bustadutvikling v/ saksordførar Marianne S. Bjorøy
• Evt. informasjon frå ordførar og rådmann