I perioden 17.-24. juni vert noregsmeisterskapen i landevegssykling arrangert i Bergen og Sotra/Øygarden.
Som ein del av meisterskapen vert det arrangert tempo og lagtempo i Fjell og Øygarden tysdag 19. juni og torsdag 21. juni.
Vis omsyn til syklistane
Dette får konsekvensar for all trafikk og parkering på strekninga Ågotnes i Fjell og Hellesøy. Det gjeld særleg Rong som er start og målområde og Ågotnes der deltakarane vender i vegbana. Vegen er open for trafikk heile tida, men arrangøren oppmodar folk å kjøra minst mogleg på vegen under sjølve arrangementa.
Arrangøren ber trafikantane merka seg følgjande og ta særleg omsyn til syklistane desse dagane:
Tysdag 19. juni kl. 16.30-21.30
Denne dagen kjem syklistane som tremannslag med motorsykkel framfor og bak.
Torsdag 21. juni kl. 08.30-14.30 og 16.30-21.30
Under dette løpet kjem syklistane eín og eín og vil ofte vera åleine på vegen.
Alle tiltak vert skilta, og i tillegg vil politi og vakter vil rettleia publikum under ritta. Les meir om arrangementa i Fjell og Øygarden.
