Det er registrert fuktskadar med soppvekst på eitt kontor i tredje etasje og eitt kontor i andre etasje i rådhuset. Fjell kommune følgjer føre var-prinsippet og retningslinjene til Arbeidstilsynet når slike saker oppstår.

Eit soppsaneringsfirma er tilkalla og har starta opp med arbeidet. I første omgang vert det sett undertrykk på dei kontora som er ramma. Firmaet vil gjennomføra søk etter kjeldene til problema, analysera soppfunn og utføra utbetringstiltak.

Medarbeidarane på dei aktuelle kontora har fått alternativ kontorplass. Det er uvisst kor lang tid det vil ta før dei kan ta sine ordinære kontor i bruk. Når saneringsarbeidet er gjennomført, vert det teke soppsporeprøvar for å kontrollera at saneringa har vore vellukka.