I dag (30. august) underteikna representantar frå stiftinga Egill Danielsen og Fjell kommune kjøpekontrakten for klubbhus med tilleggsareal i Straume Idrettspark.

Ordførar Eli Årdal Berland underteikna på vegner av Fjell kommune, medan styreleiar Ingebrigt Sørfonn skreiv under for stiftinga Egill Danielsen.

Frå venstre: Ingebrigt Sørfonn, Dan Christensen, Eli Årdal Berland og Siv Øye Carlsen

Det var på kommunestyremøtet 16. mai i år at kjøpekontrakten vart godkjent. På det same møtet vart det vedteke å byggja ut ny fleirbrukshall på Straume. Eigedomstransaksjonen mellom Straume Idrettspark AS og stiftinga Egill Danielsen har ein verdi på 20 millionar kroner.

I avtalen er det gjeve rom for at Danielsen kan byggja ut ein 1 - 7 parallell barneskule (ein klasse pr. årstrinn). Utbygginga er planlagt som ei forlenging av eksisterande bygg i retning mot nord. Straume Idrettspark er eigd av Sotra Sportsklubb (66 %) og Fjell kommune (34 %).


Frå venstre Svein Fjelland (Fjell kommune), Bernhard Belt (Danielsen), Ingebrigt Sørfonn (Danielsen), ordførar Eli Årdal Berland, Dan Christensen (Sotra Sportsklubb), Siv Øye Carlsen (Sotra Sportsklubb) og advokat Eivind Pundsnes (Danielsen)