Plan- og utbyggingssjef Willy Sørensen har fått permisjon frå stillinga si for å verta Fjell kommune sin prosjektleiar for arbeidet med Sotrasambandet. Permisjonen gjeld for eit halvt år.

Rådmannen har konstituert fagleiar byggjesak, Bjørn Erik Kristiansen, i stillinga som plan- og utbyggingssjef.

Willy Sørensen
Willy Sørensen

Rådmann Steinar Nesse seier at Sotrasambandet har topp prioritet dette halvåret. Svært mange andre utbyggingsprosjekt i regionen er avhengige av avklaringar om Sotrasambandet.

-Hovudmålet er å sikra at kommunedelplanen for nytt sotrasamband vert vedteken både i Bergen og Fjell kommunar før fristen for å koma med i Nasjonal transportplan 2014-2017 går ut, seier Steinar Nesse.