Godkjent i kommunestyret 01.09.2011

1. Føremålf

”Barnehagelova § 1 Formål:

Barnehagen skal i samarbeid og forståelse med hjemmet ivareta barnas behov for omsorg, og lek, og fremme læring og danning som grunnlag for allsidig utvikling. Barnehagen skal bygge på grunnleggende verdier i kristen og humanistisk arv og tradisjon, slik som respekt for menneskeverdet og naturen, på åndsfrihet, nestekjærlighet, tilgivelse, likeverd og solidaritet, verdier som kommer til uttrykk i ulike religioner og livssyn og som er forankret i menneskerettighetene.

Barn skal få utfolde skaperglede, undring og utforskertrang. De skal lære å ta vare på seg selv, hverandre og naturen. Barna skal utvikle grunnleggende kunnskaper og ferdigheter. De skal ha rett til medvirkning tilpasset alder og forutsetninger.
Barnehagen skal møte barna med tillit og respekt, og anerkjenne barndommens egenverdi. Den skal bidra til trivsel og glede i lek og læring, og være et utfordrende og trygt sted for fellesskap og vennskap. Barnehagen skal fremme demokrati og likestilling og motarbeide alle former for diskriminering.”

Barnehagane skal drivast i samsvar med Lov om barnehagar med tilhøyrande føresegner og retningsliner.

Barnehagane skal, i den grad vedtektene gjev rom for det, formast i tråd med dei lokale behova slik at tilbodet blir mest mogleg brukartilpassa og fleksibelt.

2. Eigartilhøve, drift og forvaltning

Fjell kommune er ansvarleg for drift av dei barnehagane som er omfatta av desse vedtektene. Administrativt er barnehagane tilknytt barnehagesjefen.

Kvar barnehage skal ha eit samarbeidsutval og eit foreldreråd i samsvar med Lov om barnehagar. Foreldrerådet er alle foreldre/ føresette i barnehagen.

Samarbeidsutvalet skal vera samansett av likt tal representantar frå foreldre/føresette og dei tilsette. (Jfr Lov om barnehagar § 4)

Styrar i barnehagen representerar Fjell kommune som eigar.

3. Opningstid, ferie og permisjon

Barnehagane er opne heile året. Opningstida er innafor tidsrommet 07.00 – 17.00. Kveldsopen barnehage har utvida opningstid etter behov.

Samarbeidsutvalet i kvar barnehage skal innafor ramma av opningstida fastsetje lokal opningstid for eitt år om gangen.

Barnehagane er stengde laurdagar, jule- og nyårsafta. Onsdag før skjærtorsdag stenger dei kl. 12.00.

Alle barn skal avvikle 5 veker ferie. 3 av ferievekene må avviklast samanhengande i tida 15. juni til 15. august. Den 4. ferieveka må avviklast samanhengande, alternativt delast opp i dagane før jul og før påske.

Barnehagane er i tillegg stengt 5 planleggingsdagar i året. Den 5. ferieveka for barna kan avviklast på barnehagen sine planleggingsdagar.

Det kan søkjast permisjon frå barnehageplassen for minimum 3 månader og maksimum 12 månader. Oppstart etter endt permisjon vert når det er ledig plass i barnehagen.

4. Opptak

Fjell kommune gjennomfører samordna opptak til ledige plassar om hausten, i private og kommunale barnehagar, gjennom eitt hovudopptak. Opptak av barn elles i året vert føreteke etter kvart som det vert ledige plassar.

Styrar i kvar kommunal barnehage er opptaksmynde etter delegasjon frå barnehagesjefen. Barnehagemynda koordinerer opptaket.

Føresette kan i utgangspunktet søkje den opphaldstida dei ynskjer: dagleg opphaldstid og dagar i veka.

5. Opptaksreglar

Barnehageplass skal fortrinnsvis tildelast barn som er busett i Fjell kommune.

Barnet må vere fylt 10 månader før det kan byrje i barnehage.

Det kan søkjast plass når barnet har fått personnummer.

Ved tildeling av barnehageplass har opptaksmynda høve til å ta omsyn til det fysiske miljøet og den eksisterande barnegruppa. Det er difor mogleg å tildele plass i ein annan barnehage enn føresette har søkt.

Føresette har høve til å søkje om overføring frå ein barnehage til ein annan, etter at barnet har begynt i barnehagen. Overføring vert innvilga dersom det er ledig plass og etter at prioriteringsreglane er teke omsyn til.

Komite for drift kan vedta å øyremerke plassar til særskilde grupper eller føremål.

6 Prioriteringsreglar

1. - Rett til barnehageplass. Barn som fyller 1 år seinast innan utgangen av august, er busett i Fjell kommune og har søkt innan fristen for hovudopptak. (Jfr. Lov om barnehagar § 12 a)
   - Barn med nedsett funksjonsevne skal ha rett til prioritet ved opptak. (Jfr. Lov om barnehagar §13)
   Krav til dokumentasjon: Skriftleg sakkyndig vurdering frå lege, psykolog, logoped, PPT eller andre sosiale- og medisinske instansar.
   - Barn som det er fatta vedtak om etter lov om barnevernstenester §§ 4-12 og 4-4 andre og fjerde ledd skal ha prioritet.
   Krav til dokumentasjon: Skriftleg vedlegg frå barnevernstenesta med underskrift av barnevernsleiar.
2. Barn med innvandrarbakgrunn som treng barnehageplass som støtte til integrering i lokalsamfunnet.
   Krav til dokumentasjon: Stadfesting frå flyktningekonsulent og leiande helsesøster.
3. Sysken til barn som har barnehageplass i same barnehage.
4. Barn av tilsette i dei kommunale barnehagane, for å rekruttere og halde på naudsynt fagkompetanse.

Når opptaksreglar og prioriteringsreglar er teke omsyn til, vert barn som har stått lengst på søkjarlista prioritert.

Styrar må utøva stor grad av skjønn.

7. Opptaksperiode og oppseiingsfrist

Plass som er tildelt, kan behaldast til barnet byrjer på skulen eller til foreldra sjølv seier han opp.

Oppseiing av plassen skal vera skriftleg. Reglane for oppseiing og betaling gjeld frå føresette stadfestar at dei tek imot barnehageplassen.

Gjensidig oppseiingsfrist er 1 månad, rekna frå den 01. i kvar månad.

Dersom barnet sluttar etter 30. april, må det likevel betalast ut juni.

Ved misleghald kan kommunen v/ barnehagesjefen seie opp plassen.

8. Gruppesamansetjing og arealutnytting

Barnehagane skal halde seg innanfor dei normene som er gjevne i Lov om barnehagar m.o.t. tal barn pr. pedagogisk leiar/ førskulelærar.

Nedre grense for godkjent leike- og opphaldsareal pr barn over 3 år: 4 kvm
Nedre grense for godkjent leike- og opphaldsareal pr barn under 3 år: 5,3 kvm
Barna sitt leikeareal ute skal vera ca 6 gangar godkjent leike- og opphaldsareal inne.

Styrar i barnehagen har, etter samråd med barnehagesjefen, høve til å auke tal barn dersom fleire av barna har redusert opphaldstid.

9. Mat

Det vert servert mat i heildagsbarnehagane. Samarbeidsutvalet i kvar barnehage avgjer korleis dette skal arrangerast.

Samarbeidsutvalet i kvar barnehage fastset brukarbetalinga på matserveringa, etter sjølvkostprinsippet. Dette kjem i tillegg til foreldrebetalinga. Jfr § 15 i lov om barnehagar og forskrift om foreldrebetaling i barnehagar §1.

10. Fastsetjing av foreldrebetaling

Barnehagane følgjer statlege satsar for makspris på foreldrebetaling.

Kommunestyret fastset reglar og satsar for foreldrebetaling på deltidsplassar i årsbudsjettet.

Dersom barnet vert for seint henta i barnehagen vert foreldre / føresette fakturert for kr 250,- pr påbegynt halvtime.

11. Internkontroll

Alle barnehagane har internkontrollsystem som sikrar kontinuerleg arbeid med Helse- Miljø og Tryggleik -og føresegn om ”Miljøretta helsevern i barnehager og skoler”. Internkontrollsystemet er knytt opp mot Fjell kommune sitt internkontrollsystem.

12. Forsikring

Kommunen har teikna ansvars- og ulukkesforsikring for alle som har plass i kommunale barnehagar.