Det vart i kommunestyremøtet 15.05.03 vedteke at Fjell kommune, etter valet i 2003, vert organisert i samsvar med komitemodellen. Det inneber ein 'flat' politisk struktur med tre komitear som saman med kommunestyret utgjer hovudlinene i den politiske strukturen.

Komite for drift
Komiteen har i hovudsak ansvar for å behandle og følgje opp all drifta i resultateiningane. I tillegg har komiteen ansvar for planoppgåver knytt til drift, herunder kommunedelplan for idrett og fysisk aktivitet, psykiatriplan, plan for kulturbygg og andre planer knytt til drift av kommunen.

Komite for finans og forvaltning
Komiteen skal behandle og ha ansvar for finans- og forvaltningsoppgåver, i tillegg til organisasjonsutvikling og arbeidsgjevarpolitikk. Komiteen skal også ha ansvar planoppgåver som krise- og beredskapsplanar, IKT planar, plan for informasjonstryggleik og elles planar som er knytt opp mot administrasjons- og organisasjonsutvikling. Den skal fremje innstilling til budsjett, økonomiplan og handlingsprogram til kommunestyret.

Komite for plan og utvikling
Komiteen skal behandle og ha ansvar for oppfølging av saker som gjeld overordna plan- og utviklingsspørsmål vedkommande kommuneplanen sin arealdel, herunder planprogram for kommunens arealdel, reguleringsplanar m.m. Komiteen skal også behandle alle saker etter plan- og bygningslova.