Bygdeutviklingsmiddel som blir reserverte til dette formålet gjennom jordbruksavtalen, skal leggje til rette for næringsutvikling i jordbruket, desentralisert busetjing og like vilkår for kvinner og menn.

Bygdeutviklingsmiddel er delte inn i to hovudgrupper: 

• Middel til utgreiings- og tilretteleggingstiltak som kommunar, lag og organisasjonar kan søkje på, og som blir forvalta av Fylkesmannen (blir ikkje omtala nærmare her)
• Middel til bedriftsretta tiltak som den enkelte gardbrukaren kan søkje på, og som blir forvalta av distriktskontora til Innovasjon Noreg

Bedriftsretta tiltak kan vere: 

• Etablerarstipend (oppstart av tilleggsnæring) 
• Planlegging av tilleggsnæring
• Bedriftsutvikling (vidareutvikling av tilleggsnæring) 
• Investeringar (bl.a. opprusting og nyinvestering i driftsbygningar og bygningar for tilleggsnæring) 
• Generasjonsskifte (nødvendige tiltak i driftsbygningar osv. i samband med generasjonsskifte) 
• Praktikantordningar

Landbruksføretak og føretak som driv næringsutvikling med utgangspunkt i ressursane i landbruket.

Søknaden blir vurdert ut frå dei fylkesvise retningslinjene som er utarbeidde av Innovasjon Noreg.

Fylkesmannen utarbeider den regionale strategien for bygdeutviklingsmidla. Denne strategien dannar igjen grunnlag for dei fylkesvise retningslinjene som distriktskontora til Innovasjon Noreg utarbeider.

Du kan kontakte kommunen for å få rettleiing og hjelp til å søkje Innovasjon Noreg om bedriftsretta bygdeutviklingsmiddel.

Prosjektplan/forretningsplan

Innan ein månad etter at Innovasjon Noreg har motteke søknaden, skal søkjaren få eit mellombels svar der det går fram kven som er saksbehandlar, og kor lang saksbehandlingstid ein må rekne med.

Kommunen tek imot søknad om bygdeutviklingsmiddel til bedriftsretta tiltak, gjer ei vurdering av søknaden og sender han vidare til distriktskontoret til Innovasjon Noreg, som avgjer søknaden.

Du kan klage på vedtaket innan ein frist på tre veker frå du mottok vedtaket. Klagen sender du til den instansen som har gjort vedtaket. I klagen skal du føre opp kva du ønskjer endra i vedtaket og grunngje dette. Kommunen vil kunne rettleie deg. Klageinstansen er klagenemnda til Innovasjon Noreg. Før klagen går til klagenemnda, skal distriktskontoret til Innovasjon Noreg vurdere om det er grunn til å endre vedtaket. Dersom vedtaket blir ståande, vil saka gå vidare til klagenemnda.