Følgjekortet er eit kort som blir skrive ut til personar med nedsett funksjonsevne. Følgjekortet skal gje den som følgjer personen, fri eller rabattert tilgang til ein del kultur- og fritidsarrangement og visse transportmiddel.

Personar med nedsett funksjonsevne.

Det blir ikkje gjort noka økonomisk behovsprøving i samband med søknaden, og ordninga er ikkje avhengig av om vedkommande mottar trygd. Nedre aldersgrense for søkjarar er normalt åtte år.

Følgjekort er gratis.

Offentlege og private arrangørar av arrangement og nokre hotell og transportselskap.

Du kan kontakte kommunen for å få hjelp til å søkje om følgjekort.

Passfoto og erklæring frå lege skal leggjast ved.

Søknader blir behandla etter kvart som dei kjem inn.

Dersom det er bruk for det, kan det innhentast fråsegn frå anten fastlege, legespesialist, offentleg godkjend helseinstitusjon eller helse- og sosialetaten i kommunen om den funksjonshemma sitt behov for følgje.