Tenesta er ein del av helsetilbodet i kommunen og blir gjeven i samband med førebyggjande helsearbeid og ved behandling av sjukdom eller skade.

Fysioterapitenesta er organisert i ein kommunal og ein privat del. Privat fysioterapi er i hovudsak knytt til fysikalske institutt.

Tenesta kan hjelpe til med mellom anna:

• undersøkingar
• funksjonsutgreiing/motorisk vurdering
• utforming/oppfølging av tiltak
• behandling
• gruppetrening
• rettleiing/informasjon/undervisning
• hjelpemiddelformidling

I Fjell kommune går dei fleste barn til behandling/oppfølging hjå kommunalt tilsette fysioterapeutar. Unntak er f.eks ved akutt skade/smerte, ta då kontakt med privat institutt.

Vaksne personar som har behov for behandling og opptrening etter sjukdom og skade eller ved kroniske lidingar får teneste frå private fysikalske institutt.

Personar som har vanskar med å nytta dette tilbodet – f.eks vanskar med å kome til instituttet – kan ta kontakt med kommunalt tilsette fysioterapeutar.

• Barn
  Fysioterapeuten eller legen undersøkjer og kartlegg barnet sine ressursar, utviklingsnivå og interesse i samarbeid med foreldre og eventuelt andre rundt barnet. Utifrå behov vert det tilrettelagt for rettleiing/behandling/trening enkeltvis eller i gruppe. Dette kan skje heime/i barnehage/på skule/hjå fysioterapeut, alt etter kva som er mest hensiktsmessig.
• Vaksne/eldre
  Lege, manuell terapeut eller kiropraktor skriv rekvisisjon til fysioterapi dersom ein har behov for behandling og opptrening  etter sjukdom og skade eller ved kroniske lidingar.

• Pasienten betalar eigendel avhengig av diagnose
• Gratis for born under 12 år for behandling og transport 
• Eigenandel for vaksne og born over 12 år inntil ein har nådd beløpsgrensa for frikort frå folketrygda, dersom diagnosen ikkje gjev rett til fri behandling.

Trygda yter heil/delvis stønad til dekking av utgifter til undersøking og behandling hjå fysioterapeut. Stønad til fysioterapi blir gjeven berre dersom fysioterapeuten har avtale om driftstilskot med kommunen.
 

For bestilling av time kontakt privatpraktiserande eller fyll ut søknadsskjema og send til kommunen.

Fortløpande

Ein har ikkje saksbehandling og fattar ikkje vedtak på denne tenesta. Ved skriftlege tilvisingar sender me brev attende innan 14 dagar med melding om at vedkommande står på venteliste.

Vi startar opp behandling etter den prioriteringslista:

1. Prioritet.  Skal vera starta opp innan 14 dagar.

• barn 0-1 år 
• terminale pasientar
• korttidspasientar
• tilvisningar frå 2.og 3.linetenesta m/vurderingbesøk
• nyopererte
• verderingav tilrettelegging og behov for tekn.hj.mid v/akull funksjonsvikt
• vurdering v/ akull tilvising frå 1.linetenesta
• ansvarsgruppemøte/samarbeidsmøter rundt enkeltpasientar

2. Prioritet.

• barn 1- 7 år
• forebyggende undervising
• trening i daglege aktivitetar, ADL
• behandling i forhold til akutt funksjonssvikt
• vrurderingsbesøk v/nytilvising
• tilrettelegging av bustad

3. Prioritet.

• barn 7år og oppover
• kurativ/palliativ behandling

Dersom du meiner du ikkje får nødvendig helsehjelp frå kommunen, kan du etter kommunehelsetenestelova klage over dette til kommunen og deretter til Helsetilsynet i fylket. I klagen må du greie ut om kva forhold det er du klagar over. Du bør beskrive kva du ønskjer endra, og grunngje dette. Kommunen vil kunne rettleie deg. Klagen blir send den instansen i kommunen som har behandla saka. Dersom kommunen held fast ved avgjerda si, blir klagen send vidare til Helsetilsynet i fylket.

Som mottakar av helsetenester kan du etter pasientrettslova også klage til Helsetilsynet på sjølve utføringa av tenesta. Klagen skal først sendast kommunen eller direkte til tenesteytaren slik at det skal vere mogleg å løyse saka på det lågaste nivået.