Tenesta er eit opplysnings- og rettleiingstilbod til nye foreldre. Foreldra kjem saman på helsestasjonen i lag med helsesyster. Samarbeidspartnarar som fysioterapeut og tannpleiar kan også delta på gruppa.

 Blant dei tema ein kan ta opp i gruppene er desse:

• å vera foreldre
• amming/kosthald
• vaksinasjon
• reaksjonar etter svangerskap og fødsel 
• stell av sped- og småbarn
• søvn
• grensesetting/sjølvstende
• tannhelse
• barnesikring/førebyggjing av ulykker
• utviklinga av barnet
• språk
• leik 
• sjukdomsførebyggjande arbeid
• familietilhøva/samliv
• røyk/rusmidler
• sosialt nettverk

Alle som nettopp har fått eit barn og som ønskjer å vere med i barselgrupper.

Foreldre med barn under 1 år.

Tenesta er gratis.

Når du har født eit barn, vil helsestasjonen ta kontakt med deg og avtale tid for anten heimebesøk eller oppfølging på helsestasjonen. Kontakten blir oppretta på bakgrunn av fødselsmelding eller melding frå JordmorHeim. Du vil få tilbod om å vere med i gruppe på helsestasjonen.

Dersom du meiner du ikkje får nødvendig helsehjelp frå kommunen, kan du etter kommunehelsetenestelova klage over dette til kommunen og deretter til Helsetilsynet i fylket.

Som mottakar av helsetenester kan du etter pasientrettslova også klage til Helsetilsynet på sjølve utføringa av tenesta. Klagen blir send den instansen i kommunen som har behandla saka. Dersom kommunen held fast ved avgjerda si, blir klagen send vidare til Helsetilsynet i fylket.