Når nokon i familien er sjuke, påverkar det heile familien. Dette gjeld både fysiske og psykiske sjukdommar. Mange foreldre med ein psykisk sjukdom, er uroa for borna sine. Det er naturleg å vera uroa, og det er viktig å dele denne uroa med andre.

Uansett sjukdom, er det vanskeleg for alle foreldre å ta vare på borna når ein er sjuk. Som foreldre vil ein alltid det beste for borna sine, og det er ofte vanskeleg å strekke til, sjølv om ein vil.

Mange barn kjenner på at det er deira skuld at foreldra blir psykisk sjuke. Mange tek også eit stort ansvar heime, og passar på både foreldre og søsken.

I Fjell kommune driv vi samtalegrupper for barn som har psykisk sjukdom i familien. Vi trur det er godt å treffe andre i liknande situasjon, både for å ha nokon å dele dette med, og for å lære av. Tema vi tek opp er mellom anna venskap, nettverk, kjensler, å sette grenser, fakta om psykisk sjukdom, håp og meistring.

Sjå brosjyrar for meir informasjon.

Barn i alderen 8-16 år som har foreldre med psykiske vanskar,  enten dei bur i lag med foreldra eller andre.

Barnet må ha bustadadresse i Fjell kommune.

Tilbodet er gratis.

For meir informasjon eller påmelding, ta kontakt med:
Miljøterapeut Hilde Brennhovd - tlf 55 09 72 44 / 95 26 92 94.

Du kan også få hjelp av fastlegen din, helsestasjonen, barneverntenesta, psykiatritenesta eller DPS om du vil ha kontakt angåande denne tenesta.