På helsestasjon for ungdom møter du helsesøster og lege.

Her kan du få råd og rettleiing om t.d.:

• graviditet
• prevensjon
• seksuelt overførbare sjukdomar 

Du kan også ta kontakt om du vil prate om problem eller bekymring i forhold til skule, heim eller venner. Vi vil prøve å hjelpe deg uansett kva du kjem med. Du kan også få tilvising vidare til spesialist.

Helsestasjonen er ei delteneste til den vanlege helsestasjonsverksemda. Helsestasjon for ungdom har kontor på Sartor Storsenter i same lokaler som Basecamp.

Ungdom mellom 13 og 20 år

Tilbodet er gratis.

Åpningstid:

• Måndag kl.13-16.30 (kvinneleg lege mellom kl. 14.30 - 16.30)
• Torsdag kl 14-15.30

Du kan også ta kontakt, sjå kontakt oss - Helsesjefen eller med den nærmaste helsestasjonen din for meir informasjon. Du treng ikkje å tinge time.

Dersom du meiner du ikkje får nødvendig helsehjelp frå kommunen, kan du etter kommunehelsetenestelova klage over dette til kommunen og deretter til Helsetilsynet i fylket. I klagen må du greie ut om kva forhold det er du klagar over. Du bør beskrive kva du ønskjer endra, og grunngje dette. Kommunen vil kunne rettleie deg. Klagen blir send den instansen i kommunen som har behandla saka. Dersom kommunen held fast ved avgjerda si, blir klagen send vidare til Helsetilsynet i fylket.

Som mottakar av helsetenester kan du etter pasientrettslova også klage til Helsetilsynet på sjølve utføringa av tenesta. Klagen skal først sendast kommunen eller direkte til tenesteytaren slik at det skal vere mogleg å løyse saka på det lågaste nivået.