Helsestasjon- og skulehelsetenesta har som mål å skapa tryggleik og førebyggja alvorlege psykiske og fysiske problem for born og unge i ein periode av livet der dei har behov for ekstra støtte og oppfølging. Det førebyggjande helsearbeidet for gravide, born og unge er ei lovpålagt og gratis helseteneste.

Born og unge 6-20 år har rett på skulehelseteneste der dei går på skulen, enten offentleg eller privat skule i kommunen.

Flyktningar og asylsøkjarar som bur eller har mellombels tilhald i kommunen, har rett til naudsynte helsetenester på same måte som andre har tilhald i kommunen.

Vi held til i bygget på Straume helsesenter på Straume.

Tenesta er eit tilbod om: 

• besøk på helsestasjon
• førebyggjande psykososialt arbeid
• heimebesøk
• helseundersøkingar
• opplysningsverksemd
• rettleiing og rådgjeving av helsesøster og lege
• svangerskapsomsorg ved jordmor
• tuberkuloseundersøking
• tverrfagleg samarbeid kring brukarane i målgruppa
• vaksinasjon i barne- og ungdomsalder

• Alle born 0-6 år får oppfølging på ein av helsestasjonane i kommunen. Gruppekonsultasjoner på helsestasjonen.
• Alle born 6-20 år får tilbod om skolehelseteneste og helsestasjon for ungdom
• Alle gravide kvinner busett i kommunen får tilbod om jordmortenesta, JordmorHeim i Fjell og vanskelege kjensler etter fødsel
• Flyktningar og asylsøkjarar

Tenesta gjeld for personar i målgruppa.

Tenesta er gratis.

Når du har født eit barn, vil helsestasjonen ta kontakt med deg og avtale tid for anten heimebesøk eller oppfølging på helsestasjonen. Kontakten blir oppretta på bakgrunn av fødselsmelding eller melding frå JordmorHeim i Fjell. Du vil få innkalling til vaksinasjonar og regelmessige kontrollar av barnet. På helsestasjonen kan du få råd og støtte i spørsmål knytta til barnet sin vekst, utvikling og trivsel. Dette inneber barnet sine fysiske, psykiske og sosiale behov.

Dersom du er gravid og ønskjer oppfølging av jordmor i svangerskapet, tar du sjølv kontakt med helsestasjonen for avtale om time.

Dersom du kjem til kommunen som flyktning eller asylsøkjar, vil helsesøster ta kontakt med deg og gjere nærare avtale.

Dersom du meiner du ikkje får nødvendig helsehjelp frå kommunen, kan du etter kommunehelsetenestelova klage over dette til kommunen, og deretter til Helsetilsynet i fylket.

Som mottakar av helsetenester kan du etter pasientrettslova også klage til Helsetilsynet på sjølve utføringa av tenesta.

Klagen blir send den instansen i kommunen som har behandla saka. Dersom kommunen held fast ved avgjerda si, blir klagen send vidare til Helsetilsynet i fylket.