Fjell kommune gir tilbod til personar som opplever, eller har  begynnande problem med hukommmelsen. Hukommelsesteamet består av tre sjukepleiarar og ein ergoterapeut.

Tenesta yter hjelp til:

• Råd og rettleiing ved endring i hukommelsen
• Formidle kontakt til andre instansar bl.a. lege, heimesjukepleie og spesialist helsetenesta
• Utgreiing og kartlegging
• Tilrettelegging i daglege aktivitetar (inkludert hjelpemidlar)

Når vi får ei melding, tar vi kontakt med personen det gjeld og/eller pårørande. Det kan bli aktuelt å kome på heimebesøk for samtale og vidare vurdering av aktuelle tiltak. Der heimebesøket er ein del av utgreiinga, vil det bli utarbeidd ein rapport til fastlegen. Fastlegen får dermed tilgang til same informasjon, og kan iverksetje vidare undersøkingar/tiltak.

Personar som opplever/har begynnande hukommelsesproblem.

Opplever du eller nokon du kjenner endring i hukommelsen, så er det muleg å ta kontakt for ein samtale.

Gratis.
Dette er ei teneste kommunen tilbyr.

Vi formidlar kontakt til fastlege. Vidare kan vi formidla kontakt til heimesjukepleiar,  pårørande-foreiningar, fysio/ergo avdeling m.o.t. eventulle hjelpemiddel.

Vi er ikkje ein instans som har fast kontortid eller fast telefonnummer. Vi kan kontaktast på e-post: hukommelsesteam@fjell.kommune.no eller via servicetorget på Fjell rådhus.

De sender ein e-post til oss, og vi vil kontakta deg så snart som muleg.