Omtale
JordmorHeim i Fjell i samarbeid med Helse Bergen, Kvinneklinikken - tilbyr deg og din familie oppfølging i barseltida. JordmorHeim i Fjell er eit nytt samhandlingsprosjekt mellom kommune og helseføretak. Mor og barn som reiser tidleg heim etter fødselen får barselomsorg av lokale jordmødre. Målet er ein roleg og trygg start for den nye familien, kontinuitet i svangerskaps- og barselomsorgen og trygg overføring til helsesøster.
JordmorHeim har tett samarbeid med helsesøstre i Fjell, som vil overta oppfølginga etter den fyrste veka.
Innhald i oppfølginga
Den fyrste veka etter fødsel kjem jordmor på heimebesøk 1-3 gonger. Oppfølginga tilpassast individuelle behov. Ynskjer du ikkje heimebesøk, kan me hjelpe deg på helsestasjonen.
Jordmor tar Føllingsprøve og elles andre naudsynte prøver av babyen. Foreldre får rettleiing om ernæring og stell av den nyføfdde. Mor vil få ammerettleiing, barselkontroll og høve til å prate om fødselen.
Vansklege kjensler etter graviditet og fødsel er ikkje uvanleg. Jordmor og helsesøster er støttespelarar som kan tilby deg ekstra oppfølging i barseltida.
Målgruppe
Barselkvinner, nyfødde og familien.
Kven vil få tilbod om JordmorHeim i Fjell?
Dei fleste får tilbod om jordmorheim i fjell. Unntaka er for tidleg fødde, låg fødselsvekt hos babyen eller forhold som gjer at du eller babyen treng eit lengre opphald på sjukehuset.
