Nedgravde oljetankar er ei stadig større kjelde til forureining av grunn og vassdrag og kan vere til skade for både helsa og miljøet. Som grunneigar står du ansvarleg for at oljetank på eigen eigedom alltid er i forsvarleg stand. Seinast éin månad før ein oljetank gravast ned, skal du gje skriftleg melding til kommunen om

• storleiken på tanken 
• konstruksjon 
• korrosjonsvern 
• alder 
• karttilvising av kor du ønskjer at tanken skal leggjast ned på eigedommen

Det skal utførast periodisk kontroll av oljetanken, og talet på kontrollar avheng av tanktype. Skriftleg dokumentasjon på at tanken er kontrollert og godkjend skal sendast til kommunen. Tankar som permanent blir teke ut av bruk, skal normalt tømmast, gravast opp og leverast til eit godkjent mottak. Melding om dette skal sendast til kommunen.

Huseigarar/grunneigarar

Oljetanken er nedgravd til under bakkenivå og ligg slik til at ikkje heile tanken kan inspiserast utvendig

Ta kontakt med oljeselskapet som fyller tanken. Dei kan gje deg informasjon om firma som utfører tilstandskontroll eller utskifting av tank. Du kan også søkje i telefonkatalogen etter firma under oljevern eller farleg avfall. Sjå òg lenkje under feltet Brosjyrar, dokument, kart og liknande.

Installasjon av nedgravd oljetank er i utgangspunktet ein søknadspliktig byggjesak. Praksis vil variere noko frå kommune til kommune. Tilstandskontrollar og rehabilitering av oljetank skal berre meldast til kommunen, som fører eit register over nedgravde oljetankar.

Du kan klage på vedtaket innan tre veker frå du mottok vedtaket. Klagen sender du til kommunen. I klagen skal du føre opp kva du ønskjer endra i vedtaket og grunngje det. Kommunen vil kunne gi deg rettleiing. Klageinstans er Fylkesmannen. Før klagen sendast dit, skal kommunen vurdere om det er grunn til å endre vedtaket. Dersom vedtaket blir ståande, vil saka bli sendt til Fylkesmannen.