Bustader til eldre og utviklingshemma vert tildelt etter særskilde kriterium.

Fjell kommune har følgjande omsorgsbustader med heildøgns bemanning:

• Straume bu og servicesenter, bufellesskap - 23 bustader for eldre, funksjonshemma og utviklingshemma
• Kvednatunet - 40 bustader for eldre, funksjonshemma og demente
• Blombakkane bustad - 8 bustader for utviklingshemma

Ein omsorgsbustad er tilpassa rørslehemma og lagt til rette for at bebuaren skal kunne motta omsorg heile døgeret. Bustaden er bebuaren sin eigen heim. Tildeling av heimetenester skjer etter søknad.

Søkjar må ha behov for heildøgnspleie og omsorg.  Ulike kriterium som vert lagde til grunn er: langt komme aldersdemens, utviklingshemming, varig sjukdom og lyte som er uforeinleg med å bu heime, særs vanskeleg heimesituasjon

• prisar

Du kan kontakte servicetorget for å motta hjelp til å fylle ut søknadsskjema.

Du må leggje ved fullmakt dersom det er nokon som søkjer for deg

Fjell kommune, Postbok 184, 5342 Straume

Søknaden vert handsama i omsorgsjefen sitt inntaksteam. Inntaksteamet har møte kvar andre veke. Blombakkane bustad har eige inntaksteam.

Før saka kan bli avgjort, vil vi kartleggje ønska og behova dine nærare. Om vi ikkje er kjend med situasjonen din, vil heimetenesta ta kontakt med deg og gjere avtale om heimebesøk.

Dersom kommunen avslår søknaden, kan du klage på vedtaket innan ein frist på tre veker. Klagen sender du til den instansen som har gjort vedtaket. I klagen skal du oppgje kva du ønskjer endra i vedtaket og grunngje det. Kommunen vil kunne hjelpe deg med å skrive klagen. Klageinstans er den politiske klagenemnda. Før klaga blir sendt dit, skal den instansen i kommunen som gjorde vedtaket, vurdere om det er grunn til å endre vedtaket.