Kommunen skal gje forskrifter om ordensreglement for grunnskolane. Ordensreglementet skal gjerast kjent for elevar og foreldre. Reglementet skal innehalde reglar om framferd og tiltak og framgangsmåte ved brot på reglementet. I ordensreglementet kan kommunen fastsetje reglar for bortvising for

• enkelttimar eller resten av dagen (1.-7. klassetrinn)
• inntil tre dagar (8.-10. klassetrinn)

Sanksjonar som ikkje framgår av ordensreglementet kan ikkje brukast. Fysisk refsing eller annan krenkjande behandling må uansett ikkje brukast.

Elevar i grunnskolen og deira føresette.

Før det blir gjort vedtak om bortvising eller anna form for refsing, skal eleven ha ein sjanse til å uttale seg munnleg for den som skal ta avgjerda. Før rektor sjølv vedtar bortvising, skal rektor rådføre seg med lærarane til eleven. Andre hjelpe- eller refsingstiltak skal vere vurderte før bortvising blir vedtatt.

Dei mest alvorlege refsingstiltaka, det vil seie vedtak om bortvising for éin dag eller meir, kan påklagast. Klaga må vere skriftleg og grunngjeven. Klaga sendast til rektor. Klagefristen er tre veker etter at melding om vedtaket er mottatt. I klaga skal du føre opp kva du ønskjer endra i vedtaket og grunngje det. Klageinstans er Fylkesmannen. Før klaga blir sendt dit, skal rektor vurdere om det er grunn til å endre vedtaket. Blir vedtaket ståande, vil saka bli sendt til Fylkesmannen.