Omtale
Ein ser i mange samanhengar at det vil vere teneleg å lyfte problem opp eit nivå frå dagleg skildring/frustrasjon til strukturert og målretta prosjektarbeid. Dette kan gjelde organisering, struktur, kultur, dynamikk og andre tilhøve.
PPT har som ei av sine oppgåver å hjelpe skulane med organisasjonsutvikling og kompetanseutvikling for å leggje opplæringa betre til rette for elevar med særlege behov. Fjell PPT ønskjer å ivareta denne oppgåva ved å samarbeide med skulane om konkrete prosjekt. Det vil vere aktuelt at to frå PPT samarbeider i slikt arbeid.
Skulane i Fjell (både kommunale og private) kan på denne måten be om hjelp utan å tilvise einskildelev(ar). Barnehagane kan be om tilsvarande hjelp av Rettleiarteamet.
Kva må skulen gjere?
Skulen må setje av tid til prosjektarbeidet og personar som er aktuelle må ha høve til å delta tilstrekkeleg. Leiinga ved skulen / rektor må stå bak prosjektet. Målet er kompetanseheving i skulen og av den grunn vil det vere avgjerande at personell frå skulen investerar i dette og at skulen på den måten sit igjen med kunnskapar og erfaringar etter avslutta prosjektperiode.
