Når grunneigarar, rettshavarar eller andre interesserte ønskjer å fremje ein privat reguleringsplan, skal kommunen sitt faste utval for plansaker

• vurdere om arbeidet med forslag til reguleringsplan skal setjast i gang
• hjelpe til med å utarbeide planen
• behandle planen

Forslaga kan gjelde regulering og reguleringsføresegner for ulike formål i uregulert område i kommunen, eller omregulering av formål.

Grunneigarar, rettshavarar, næringsdrivande og andre involverte

Før planlegginga setjast i gang, bør forslagstillaren (-ane) leggje fram reguleringsspørsmålet for det faste utvalet for plansaker. Utvalet kan gje råd om planen bør utarbeidast, og kan hjelpe til i planarbeidet. Arbeidet forutset fagleg ekspertise, medverknad / høve til merknader frå involverte, og kunngjering etter føresegnene i plan- og bygningslova.

Kommunen informerer om eventuelle interessentar eller instansar som har plikt til å uttale seg om planen.

Kommunen vil kunne gje råd om arbeidet skal setjast i gang, korleis det skal skje, og kan hjelpe til i planlegginga.

Dokumentasjon kan vere

• plankart og ev. føresetnader for formålet
• omtale
• teikningar
• utgreiingar etter kommunale føresegner
• konsekvensutgreiingar etter plan- og bygningslova når det er relevant for saka

Du vil få opplysningar om kva som skal vere med av dokumentasjon. Dokumentasjonen skal følgje planen ved offentleg ettersyn og ved framlegginga i kommunestyret.

Sakene blir behandla etter kvart som dei kjem inn.

Så kort som mogleg, men innan tolv veker. Forslagsstillaren og kommunen kan bli samde om ein annan frist dersom forslaget er omfattande.

Det faste utvalet for plansaker skal sjølv behandle saka. Forslagsstillaren er ansvarleg for kunngjering om oppstart av planarbeidet etter plan- og bygningslova. Når planen har vore til offentleg ettersyn, blir han behandla av planutvalet, deretter går han vidare til kommunestyret, som gjer vedtak i saka (forutsett at saka blir fremja for kommunestyret). Kommunen sitt vedtak skal kunngjerast. Dersom planutvalet ikkje finn grunn til å fremje reguleringsforslaget for kommunestyret, blir forslagsstillaren underretta skriftleg. Dersom avslaget gjeld ein plan for eit uregulert område eller ei vesentleg endring av gjeldande reguleringsplan, kan forslagsstillaren krevje at saka blir lagt fram for kommunestyret.

• Det endelege vedtaket i planutvalget kan påklagast til Fylkesmannen. Klagen må fremjast innan tre veker frå kunngjering av vedtaket. Klagen kan ikkje gjelde forhold som har vore avgjort tidlegare gjennom klage eller innvending på reguleringsplan eller utbyggingsplan. Klagen stilast til Fylkesmannen og sendast planutvalet, som kan revurdere saka eller sende klagen til Fylkesmannen, som avgjer saka. Fylkesmannen sitt vedtak er endeleg.
• Krav om erstatning må fremjast innan tre år etter kunngjeringa.

Kommunen vil kunne gje råd ved utforming av merknader, klagar osb.