Omtale
Fjell kommune vil gje barn og unge gode oppvekstvilkår. Eit av satsingsområda i kommunen er psykisk helse, m.a. gjennom tidleg intervensjon. Som ein del av dette vart det i 2007 oppretta eit rettleiarteam for barnehagane. Rettleiarteamet består av fem stillingar med ulik fagkompetanse og er organisert under barnehagesjefen. I tillegg er helsesyster for barnehagar knytt til teamet.
Rettleiarteamet har som mål å utvikle kunnskap om relasjonar mellom menneske. Rettleiarteamet vil at barnehagepersonalet skal føle auka meistring i det daglege arbeidet og utvikle kompetansen sin.
Rettleiaren kan delta i faglege refleksjonar og kan bidra til å skape felles fokus i personalgruppa. Rettleiaren gir rettleiing til personalet på konkrete problemstillingar, samstundes som rettleiaren kan vere observatør i miljøet. Som ein del av arbeidet i ein barnehage kan det og vere aktuelt å delta, saman med personalet, i samarbeidsmøte med foreldre.
Rettleiaren har teieplikt.
Målgruppe
Alle barnehagar i Fjell kommune, både private og kommunale.
