Skulehelsetenesta skal vera elevane si bedriftshelseteneste og vere eit heilskapleg tilbod som ivaretek den fysiske og psykiske helse hjå barn og unge og deira familiar. I skulehelsetenesta kan ein møte både helsesøster og skulelege.

Born og unge 6 -20 år har rett på skulehelseteneste der dei går på skulen , enten offentleg eller privat skule i kommunen.

Den omfattar helseundersøkingar, vaksinering, oppsøkjande verksemd, helseopplysning og rettleiing. Helsesøster og skulelege kan bidra med undervisning, gje råd til skulen om arbeidsmiljø for elevane, samt leggja forhold til rette for funksjonshemma elevar.

Skulehelsetenesta kan delta i ansvarsgrupper og andre tverrfaglege møter. Den kan også sørgje for tilvising vidare til m.a. fastlege, PP-tenesta, ergoterapeut, fysioterapeut, spesialisthelsetenesta og tannhelsetenesta, NAV kommunale tenester(sosialtenesta), psykisk helsevern og barnevern. Vi kan og hjelpe med å kontakte familievernkontoret.

• Helsestasjon for ungdom

Skuleelevar frå 6 - 20 år

Du er skuleelev og under 20 år.

Tenesta er gratis.

Dersom du meiner du ikkje får nødvendig helsehjelp frå kommunen, kan du etter kommunehelsetenestelova klage over dette til kommunen og deretter til Helsetilsynet i fylket. Som mottakar av helsetenester kan du etter pasientrettslova også klage til Helsetilsynet på sjølve utføringa av tenesta. Klagen blir send den instansen i kommunen som har behandla saka. Dersom kommunen held fast ved avgjerda si, blir klagen send vidare til Helsetilsynet i fylket.