Utgangspunktet er at born startar i grunnskolen det kalenderåret dei fyller seks år. Skolen/kommunen vil sende brev til føresette med born som er opplæringspliktig. I brevet blir det opplyst om kor ein skal møte og til kva tidspunkt, og informert om kva rettar opplæringslova gir i denne samanhengen. Foreldra kan søkje om tidlegare eller utsett skolestart for eleven.

• Born som fyller seks år i kalenderåret
• Born som har fått utsett skolestart frå førre året
• Foreldre som vil søkje om å få utsett skolestarten for barnet
• Foreldre som vil søkje om tidlegare skolestart for barnet

Eleven har rett til utsett skolestart dersom det etter sakkunnig vurdering frå pedagogisk-psykologisk teneste (PPT) er tvil om barnet har komme langt nok i utviklinga si til å starte på skolen. Utsett skolestart tyder at barnet startar i skolen det kalenderåret det fyller sju år. 

Tidlegare skolestart tyder at barnet startar på skolen det kalenderåret barnet fyller fem år. For å få tidlegare skolestart må barnet fylle fem år innan 1. april. Det må liggje føre sakkyndig vurdering frå PPT.

Pedagogisk-psykologisk teneste (PP-tenesta)

Du kan ta kontakt med kommunen for å få hjelp til å søkje om tidlegare eller utsett skolestart.

Sakkyndig vurdering

Kommunen har plikt til å behandle saka så snart som råd. Dersom saka ikkje kan avgjerast innan éin månad, skal du ha skriftleg svar om årsaka til det, med opplysningar om når ein meiner at vedtaket vil bli gjort.

For tidlegare og utsett skolestart: PP-tenesta vurderer utviklingsstatusen for barnet. PPT gjev råd til kommunen, som gjer vedtak.

Får du avslag på søknaden, kan du klage på vedtaket innan ein frist på tre veker frå du mottok vedtaket. Klaga sender du til den instansen som har gjort vedtaket. I klaga skal du føre opp kva du ønskjer endra i vedtaket og grunngje det. Kommunen vil kunne gje deg rettleiing. Klageinstans er Fylkesmannen. Før klaga blir sendt dit, skal den instansen i kommunen som gjorde vedtaket, vurdere om det er grunn til endre det. Dersom vedtaket blir halde ved lag, vil saka bli sendt til Fylkesmannen.