Vaksne som ikkje kan få tilfredsstillande utbytte av det vanlege, opplæringstilbodet for vaksne, har rett til spesialundervisning. Vaksne som har særleg behov for opplæring for å utvikle eller halde ved like grunnleggjande dugleik, har rett til slik opplæring. Sjå Fjell Vaksenopplæring sine nettsider: www.fjell.no/skule/straume/ for meir info.

• Dei som ikkje får eller kan få tilfredsstillande utbytte av det vanlege, opplæringstilbodet for vaksne på grunnskoleområdet.
• Vaksne som på grunn av sjukdom, skade eller ulykke har behov for fornya grunnskoleopplæring.
• Vaksne som har særleg behov for trening i daglege gjeremål (ADL-trening).

Du må

• vere over opplæringspliktig alder
• ha behov for grunnskoleopplæring 
• ikkje ha eller kunne få tilfredsstillande utbytte av det vanlege opplæringstilbodet for vaksne

 

Opplæringa og undervisningsmateriellet er gratis.

Pedagogisk-psykologisk teneste (PP-tenesta).

Du kan få hjelp frå kommunen til å søkje om spesialundervisninga.

Kommunen har plikt til å behandle saka så snart som råd. Dersom saka ikkje kan avgjerast innan éin månad, skal du ha skriftleg svar om årsaka til det, med opplysningar om når ein meiner at vedtaket vil bli gjort.

Kommunen gjer eit vedtak. I vedtaket går det fram om du har fått tildelt tenesta eller ikkje, og kva tenesta eventuelt omfattar.

Du kan klage på vedtaket innan ein frist på tre veker frå du mottok vedtaket. Klaga sender du til den instansen som har gjort vedtaket. I klaga skal du føre opp kva du ønskjer endra i vedtaket og grunngje det. Kommunen vil kunne gje deg rettleiing. Klageinstans er Fylkesmannen. Før klaga blir sendt dit, skal den instansen som gjorde vedtaket, vurdere om det er grunn til å endre det. Dersom vedtaket blir halde ved lag, vil saka gå vidare til Fylkesmannen.