Vegg (ikkje-berande)

Generelt

Omtale

Ikkje-berande vegg er lettvegg som du kan setje opp for å dele opp eit rom eller kontorlandskap i fleire mindre rom, forutsett at dette blir gjort innanfor same brukseininga. Brukseining blir her forstått som del av same bustad, husvære eller same verksemd i næringslivet. Du treng da ikkje å sende melding eller søknad til plan- og bygningsmyndigheita i kommunen. Det er likevel nokre tekniske vilkår som må oppfyllast. For freda bygningar vil det alltid vere søknadsplikt etter kulturminnelova.

Ønskjer du dispensasjon frå gjeldande føresegner, må du i alle fall sende ein søknad.

Målgruppe

Hus- og bygningseigarar

Kriterium/vilkår

Generelle vilkår:

Lettveggen må oppfylle alle relevante byggtekniske krav

Særskilde vilkår:

Flytting, fjerning eller oppsetting av lettveggar må ikkje føre til endringar av vesentlege føresetnader i den planløysinga som er godkjend / lovleg etablert tidlegare
Brannsikring, nødvendig lys og ventilasjon osb. må oppretthaldast

Lover og retningslinjer

Gjeldande lov - og regelverk

Plan- og bygningslova §§ 93 og 74 nr. 1

Om søknadsprosessen

Rettleiing - korleis få utført eller motta tenesta

Du treng ikkje å sende søknad eller melding til kommunen dersom tiltaket samsvarar med vilkåra over. Er du i tvil, så kontakt kommunen for å få meir informasjon. Hugs at du står sjølv ansvarleg for at tiltaket ikkje skjer i strid med dei nemnde reglane.